Saudi Arabia Women Driving

Kokanasth | कोकणस्थांवर छान कविता

घारे गोमटे अन लख्ख गोरे 

सावळे आणि वागण्यात न्यारे 

 खरे गोखले दामले परचुरे 

 जाणावी कोकणस्थ ज्ञाती 

सानुनासिक बोलती शब्द 

 ठेविती परशुरामीय अब्द 

 पराक्रमे करिती देश स्तब्ध 

 अशी चित्पावन ज्ञाती 

 दिसती आम्ब्यासारीखे सुरेख 

 वागती फणसासारिखे कंटक 

 डोकाविता यांच्या हृदयात 

 रसाळ गरे मिळती 

 बोलणे यांचे अतिस्पष्ट 

 फार लवकरी होती रुष्ट 

 जगण्या घेती अपार कष्ट 

 मार्गे सरळ असती 

 पै पै गाठी साठविती 

 पर्शुरामासी आठविती 

 समोर समोर हिशोब राखिती 

 कर्ज न ठेविती दुसर्यांचे 

 अटकेपार झेंडे रोविले 

 मराठ्यांचे सामर्थ्य वाढविले 

 पेशवेपद भूषविले 

 ब्राह्मणांची मान उन्चाविती 

 प्रसविले केसरी टिळक 

 आगरकर ते सुधारक 

 शास्त्री चिपळूणकर प्रेरक 

 करती समाजोन्नती 

 कान्हेरे, फडके, चाफेकर 

 गोगटे आणि सावरकर 

 क्रांतीकारकांची तळपे धार 

 या महाराष्ट्र देशी 

 गोखले, कर्वे , साने गुरुजी 

 सुधारक समुद्र देती भरती 

 सहकाराचा पाया रचिती 

 गाडगीळ प्रभृती 

 रामायण गाई सुधीर 

 मालती उडवी बहार 

 फाळके परांजपे दामले नेने 

 गुंफिती चलचित्रांचा हार 

 देसाई पेठे दांडेकर गाडगीळ 

 चितळे घैसास आणि सकळ 

 केळकर भट लाविती मूळ 

 उद्योग धर्माचे 

 केशवसुत टिळक केतकर 

 कावितेतुनी देती शब्द सार 

 जे करी आम्हा हुशार 

 दुध ते वाघिणीचे 

 फडके गाडगीळ आणि काळे 

 देती कथेस रूप आगळे 

 मराठीस देई वळण वेगळे 

 साहित्यसेवा कोब्रांची 

 ऐसी हि नर रत्नांची खाण 

 कौतुके थकले शब्दांचे वाण 

 मंदारे केले यांचे गुणगान 

 यथा बुद्धी 

 असेच व्हा कीर्तिवंत 

 म्हणावा जयजयवंत 

 गणेशा चरणी मागतो साद्यंत 

 मागणे प्रेमाचे 

 ऐसे कवतुक केले 

 जैसे शब्द सुचिले 

 असेल काही चुकले 

 दुर्लक्षावे म्हणे मंदार !

(Note : This article..rather this blog is only for fun. Please do not take anything personal.)

जनाचे श्लोक

II जनाचे श्लोक - आजच्या युगातले II

विषय- लाइफ स्टाईल मॅनेजमेंट

व्यायाम- 

         प्रभाते मनी देह हा जागवावा, 

         पांघरुणात लोळुन, वाया न जावा

         नमस्कार घालावे , सूर्यासी दहा

         दिवस जातो आनंदे, मित्रानो पहा II 

वॉटसएप 

         मना सज्जना, हाती वौट्‌सएप नकोरे  

         उतु दूध जाई, कुकर शिट्टी मारे  

         पती दावी क्रोध, भुकेलेली पोरे  

         बुडे बोट संसार, व्यसन नाही बरे  II

बैठी जीवन शैली- 

         घरी यावे ऑफीस मधुनी उशिरा

         टीवी बघत खावा, फास्ट फूड कचरा

         सकाळी ना होई, मलाचाही निचरा

         कुठुन येई शक्ति, आरोग्यास विसरा II

अध्यात्म- 

        नको रे मना, लागू भोन्दुंच्या नादी

        नको अंधश्रध्धा, नको घेऊ उदी

        सदुगृरू खरा तो, मनाचा विवेक

        नको घालवू वेळ, हृदय सांगे ऐक II

मद्य- 

        मना सज्जना मद्य, भयंकर पाश

        घरा राख रांगोळी, होई सर्वनाश

        नको तो सुधाकर, नको तोच प्याला

        सुरुवातीस एक, मग घरीच मधुशाला II 

धूम्रपान- 

        मना सांग का ओढिशी धूम्रकांडी

        फूफ़्फुसास भोके, आरोग्यही सान्डी

        हृदयास झटके, व्यसन हाची रोग

        आय सी युत नेई, कर्माचाच भोग II

टेंशन- 

         विचारी मना तुची शोधुनी पाहे

         टेंशन किती या आयुश्यात आहे

         उदयाचे कसे हो, मना जाळी चिंता

         प्याला अमृताचा, तोही भासे रीता

         किती हवा पैसा, नको धावु मागे  

         आयुश्य निसटले, आता व्हावे जागे II

कर्ज़- 

         नको रे मना, काढ़ु भले मोठे कर्ज़

         गीळे जसा अजगर, दया माया वर्ज्य

         पोखरी मनास, आनंदा सुरंग

         जितेपणी नको तो , सोनेरी तुरंग II

फास्ट फूड- 

         मना सांग पा, जेवणा काय झाले ?

         पोळी भाजी सोडोनी, बर्गर मिळाले

         चढे चरबी अंगा, ड्रेस तंग सगळे

         वजन काटा पाहुनी, मिटुन घेई डोळेII

            

             II जय जय बुद्धीप्रामण्य समर्थ II